Jer 47 | NdeIBE | STEP | Leli yilizwi likaJehova elafika kuJeremiya umphrofethi mayelana lamaFilisti uFaro engakahlaseli iGaza:

Jeremiah 47

Ilizwi NgamaFilisti

1 Leli yilizwi likaJehova elafika kuJeremiya umphrofethi mayelana lamaFilisti uFaro engakahlaseli iGaza:

2 UJehova uthi: “Khangela ukuphakama kwamanzi enyakatho; azakuba ngumfula okhukhulayo. Azakhukhula ilizwe lakho konke okukulo, amadolobho lalabo abahlala kuwo. Abantu bazakhala, bonke abahlala elizweni bazalila

3 ekuzweni umsindo wamasondo amabhiza agijimayo, lekuzweni umsindo wezinqola zesitha lomdumo wamasondo azo. Oyise kabayikuphenduka ukuba basize abantwababo; izandla zabo zizalenga zingelamandla.

4 Ngoba usuku selufikile ukuba abhujiswe wonke amaFilisti, lokuqeda bonke abasilayo abangasiza iThire leSidoni. Sekuseduze ukuba uJehova abhubhise amaFilisti, insalela emakhunjini eKhafitori.

5 IGaza izaphuca ikhanda layo ilila; i-Ashikheloni izathuliswa. Lina nsalela esemagcekeni, lizazisika kuze kube nini na?

6 “ ‘Awu, nkemba kaJehova,’ likhala kanjalo, ‘koba nini ukuze uphumule? Buyela emgodleni wakho; khawuka ungathi nyiki.’

7 Kodwa ingaphumula njani yona ilaywe nguJehova, yona ithunywe nguye ukuba ihlasele i-Ashikheloni lokhumbi lolwandle na?”